SA MUTUO KA O DILI: ANG KINATU-URAN, ANG MGA NAHITABO LIKOD SA PINAKADAKONG PAGPANGAWAT SA ATONG KAAGI BILANG USA KA NASOD

Naghimo si Marcos ug sekreto nga balaud nga nagasulat na kung siya mabaldado o mamatay, ang iyahang gahum maibalhin kaniadto kay Imelda.Nahibal-an lang kini sa publiko mahuman ang Edsa Revolution.

Giimbita napod ni Marcos sila Jonsson, Kirst ug Curtis para muuban sa iyaha sa pagacto sa Corregidor sakay sa iyang presidential yatch. Ug didto sa isla mahimutang ang iyang 30-foot nga opisina nga gitaguan sa mga gold bars nga naay markang Intsik.

Ang Highway commissioner ni Marcos nga si Baltazar Aquino niadto ug Hong Kong ika-pulo ka beses para mangulekta ug komisyon balor $4,539,786.6 gikan sa mga Hapon (mga supplier). Ang mga nakulekta nga komisyon alang kay Marcos ug gipaagi kini sa Philippine Highway Ministry.

Gi-amyendahan ni Marcos ang "Enero 17" nga balaud ug gilinaw niya ang mga kamanduan alng kay Imelda para sa iyahang pagka "chairperson of a committee with presidential powers."

Ang artikulo ni Jack Anderson sa Washington Post nagasibya nga si Marcos nagapangita sa mga nakatagong kahimanan didto sa Sierra Madre. Kini ang mga kahimanan nga kitago sa mga Hapon. Sa tunuod didto kini duol sa Teresa, Rizal nga ubos sa bukid sa Sierra Madre. Nagsugod sila ug kalut niadtong Mayo 1975 sa mando ni Gen. Fabian Ver, gamit ang usa ka mapa na gapakita sa usa ka tunnel na 300 yard ang kalay-on 50 feet ang gilapdon ug 40 feet ang kitas-on. Anaa usab kini'y duha ka side tunnels nga 100 yards ang kalay-on. Ang maong tunnel nahimo niadtong panahon sa giyera sa mga sundalong napriso sa mga Hapon, ug nalubong kauban ang mga kahimanan niini.

Gipirmahan ni Marcos ang P.D. 1038 nga galakip sa 9 ka amendments sa atong kontitusyon. labot na ang amendment 6 nga gatugot sa iyang pagkuyot sa mga gahom mahuman ang martial law. Kini nga amendment giratipikahan mahuman ang usa ka bulan.

Ang Condo sa Olympic Towers sa Fifth Avenus sa New York napalit ni Marcos sa unang higayon. Mahuman ang 5 ka bulan nipalit napud sila ug lain pang 3 ka condo units sa maong building nga mubalor ug $4,000,000. Gigamit nila ang ngalan ni Antonio Floriendo para front niining pagpamalit.

Nagkaproblema si Licaros mahitungod nga ang mga foreign creditors nagmando nga dapat insakto ang foreign reserves sa nasod alang sa 3-4 ka bulan para sa import requirement dayon ang atong foriegn reserves insakto lamang para sa 2 ka bulan. Nakpangita ug solusyon si Licaros pamaagi sa pag-usob sa depinisyon sa "international reserves" ug iyaha kining gibag-o nga dili mulabot sa mga foreign exchange holdings sa mga commercial banks . Busa pa sa usa ka Carier sa Hong Kong si Imelda Kuno ang pinakadaghan ug koleksyon sa mamahalung bato sa tibuok kalibutan.

Nagsigi ug usob ang mga pangalan sa mga Foundation didto sa Vaduz. Ang Azio gihimog Verso, ang Scolari gihimog Valamo ug ang Xandy gihimog Wintrop.

Si Baltazar Aquino nakakuha ug kickback gikan sa public highways nga pundo balor ug $407,322.07 (10%-15%) nga gihatag sa iya gikan sa Berlin Company.

Si Imelda nahimong chairman sa BLISS (Bagong Lipunan Site and Services) program, usa ka programa nga naghandom sa pagkontrol sa tanang economic ug social development sa nasod. Niingon siya nga kini ang tubag sa "11 needs of men" nga nakasulat sa plano sa ministry multi-year Human Settlements 1978-2000. Sa tuig 1986 ang mga pobre nga Pilipino mi-doble magikan sa 18 milyones(1965) ngadto sa 35 milyones. Ang mga kagubatan usab nigamay maggikan sa 75% nga kakahuyan ngadto sa 27% na lamang. Ang 39 milyones ka acres nga kagubatan nahimog biktima sa iligal nga pagpamutol. Kini tanan ang nahimo sa programa nga BLISS.

Nagsilibrar ang magtiaying Marcos sa ilang ika-25 nga anibersaryo ug nigasto sila ug $5,000,000. Uban sa gastos ang usa ka karwahe (silver) nga gibira ug ka puting kabayo.

Usa ka trust agreement nahimo diha nga nibisita sa Malacanang ang duha sa representante (si P.A.L. Vine ug Lai Wai Hung) gikan sa Standard Chartered Hong Kong, ltd. Nagtagbo usab si Vine ug si Rolando Gapud ug Jose Campos para mu-abri ug dolyar ug piso nga account sa Security Bank and Trust Company (SBTC). Si Gapud ang chief financial adviser ni Marcos, ug si Campos usa sad niya ka amigo ug ang boss ni Gapud. Si Campos ang signatory sa maong mga account . Mahuman, 10 pa ka accounts ang giabrihan sa SBTC - 7000,7710,7720 etc. ug usa pa ka deed trust ang gihimo sa Standard Chartered sa Security Bank para sa mga nahimong mga accounts. Ang deed trust para sa account 7730 nasulod sa Beneficio Investment, Inc. usa ka Panamanian corporation ug sa SBTC. Kini nga mga account gipanagiya ni Marcos ug Imelda sa pamaagi sa Standard Chartered. May ubann pang mga accounts didto sa Switzerland: Credit Suisse, Bangque Paritas, Lombard Odier et Cie, Swiss bank Corporation, Swiss Volksbank, Finanz AG, Trade Development bank ug Bank Hoffman. Naa usab sa Barclays sa London, bangko sa Cayman Islands ug sa New Hibrides. Sa US nagpanag-iya ang mga Marcos sa 83 ka accounts sa sulod sa 9 banks, labot niini ang Lloyds Bank, California Overseas Bank, Redwood Bank, Irving trust, Citibank, Chase Manhattan, Chemical Bank ug Manufacturers Hanover. Matud pa ni Gapud si Lucio Tan nagbayad ug P100 milyones kada tuig para lamang sa mga decrees ug mga mando gikan sa presidente nga mupabor para sa duha sa parte. Si Marcos nagmando nga 60% sa mga kompanya ni Lucio Tan maiyaha labot na ang Fortune Tobacco, Asia Brewery, Allied Bank ug Foremost Farms. Ang mga benepisyo ni Tan ma-o usab ang naangkon sa uban pang mga crony ni Marcos. Labot usab ai Silverio sa Delta Motors nga gahatag usab ug P10 milyones sa SBTC accounts ni Marcos sa Hong Kong ug dayon i-forward sa mga Swiss bank accounts. Si Gapud nakakuha ug milyones dolyares gikan sa daghang shares of stocks sa mga kompanya. Ang maong mga shares gihatag una kay Marcos nga blank shares busa magamit ni Marcos nga mahatag kung kinsa man ang iyang gustong hatagan. Ang kining panghitabo naghatag sa iyaha ug kontrol sa halos tanang industriya niadto.

Nipalit si Marcos ug balay sa 4 Capshire Drive sa Cherry Hills, New Jersey alang sa mga suluguon ug alalay ni Bongbong niadtong nag-iskwela pa siya sa Philadelphia. Nip[alit usab sila ug duha pa ka mga yuta, usa sa 3850 Princeton Pike, Princeton (13 acre estate) para sa anak nga si Imee niadtong gaiskwela siya sa Princeton. Ug ang ikaduha mao ang balay ni Bongbong sa 19 Pendleton Drive sa Cherry Hill. Kini nakapangalan kay Tristan Beplat ang Head sa American Chamber of Commerce sa Pilipinas.

Si Imelda nigasto ug $280,000 balor nga mga alahas didto sa New York sa sulod sa duha ka adlaw.

Ang gold reserves sa nasod nagataas maggikan sa tuig 1978 dayon hinayhinay gasaka ngadto sa 1,900,000 ounces, o 8 metric ka tonelada kada tuig (base sa balor sa lokal nga produksyon). Ang presyo sa gold mi-abot sa taas nga $875 kada ounce karong bulana. Bisan pa sa sitwasyon, ang Europa, Amerika, Hapon ug ang Australian Chamber of Commerce nagsumite ug papel para lang makakuha ug mga imbestor pero sa tinuod ang ilang gipaabot ang malisod nga pagpadalagan ug negosyo dinhi sa Pilipinas.

Niattend si Marcos sa American Newspaper Publishers Association (ANPA) convention ug ang Manglapus Movement for a Free Philippines nagbuking sa tinuod nga sitwasyon sa nasod. Tungod niini ang White House napilitan nga dili hatagan ug pagtagad si Marcos.

Gipalit ni Imelda ang Webster Hotel nga balor $1,577,000 sa West 445th Street. Iya kining gihatag ni Gatan, ang gadakop kay Ninoy, sa pagsugod niadtong Martial Law.

Naghimo ang Central Bank ug account sa tawag nga ESA o Economic Stabilization Account para protektahan ang mga kompanya nga dili makabayad sa ilang mga utang sa gawas sa nasod tungod sa kulang sila ug dolyares. Ang CB nisugot nga ang ibayad sa ilaha sa mga kompanya balor sa piso sa prevailing exchange rate , ug ang mahitabo, ang gasto sa transaksyon ug sa lugi moadto sa ESA para i-write off o walaon. Bag-o pa ang ESA naa nay duha ka Suspense accounts nga nahimo; ang MAA o Monetary Adjustment Account nga siyang responsable sa gastos sa pagimprenta sa kwarta ug paghulma sa sinsilyo, gastos sa evidence of indebtedness, interes sa mga Reverse Repurchase Agreements ug ang bayad sa komisyon ug handling fees sa gold traders. Ang usa pa ka account ang RIR o Revaluation of International Reaserves kini para usab sa revaluation sa mga assets sa CB ug ang mga liabilities niini nga mao ang sumulunod: 1) pag-usab sa gold value sa piso, 2) pag-usab sa exchange rates sa foreign currencies, 3) pag-usab sa bisan unsang mga CB transactions mahitungod sa gold or foreign exchange.

Tungod nga dili mubisita ang Santo Papa sa usa ka nasod nga gipanguluhan ug usa ka diktador, gi-anunsyo dayon ni Marcos nga walaon na niya ang Martial Law mahuman ang Enero 17, 1981. Ang mga urban guerillas nagasukol laban sa administrasyon ug dili kini muundang kung dili mahuman ang Martial Law. Gikapoy na sa pamalakad ug pagtagotago si Licaros sa mga aktibidades sa Central Bank ug mi retire kini bag-o pa mahuman ang iyang ika-2 ka termino sa pagsilbe. Gipulihan siya ni Jaime Laya sa panahon nga nagsugod na ang financial crisis sa nasod. Si Deewey Dee, usa ka crony, nilayas sa nasod mahuman siya muhulam ug P635,000,000 gikan sa mga bangko gamit ang iyahang ngalan lamang para sa kolateral. Mahuman niadto nag-strikto na ang mga bangko kabahin sa ilang pagpahulam ug kwarta ug ang labaw nga mga naapektuhan niini ang mga crony. pero wala ra gihapon kiniy apekto sa ilaha kay nagpagawas dayon ug bail-out fund ang administrasyon balor ug $3,000,000 sa sulod sa duha ka tuig.

Gi-usob ni Marcos ang P.D. 1834 ug 1835 nga gamando sa Death Decrees kung asa mahimong kasuhan ang mga political opponents, anti-government agitators ug publishers bisan wala ilang presensya. Ug mahimo usab nila pangkonpiskahon ang mga kabutangan niini sa bisan unsang oras.

Gipalit ang 12 acre Lindenmere Estate sa Center Moriches sa Long Island balor $550,000 sa usa ka 7 Development Corporation sa New York. Ang maong estate gibalhin sa kompanya gipanag-iya sa Ancor Holdings nga gikontrolar ni Floriendo (niadtong 1982). Nagpautang usab ang Ancor Holdings sa aktor nga si George Hamilton para ipalit ug usa ka mansyon sa Summit Drive, Beverly Hills.

Nigasto si Imelda ug $13,000,000 para ipatukod ang Coconut Palace para sa pag-abot sa Santo Papa pero kini gi dilian ni Santo Papa tungod sa sobrang pagpagara.

Nagsugo si Imelda nga i-liquidate ang Rayby Foundation ug ibalhin ang sulod ini sa Trinidad. Dayon gisugo siya nga walaon ang Trinidad ug ibalhin kini sa Fides Trust Company sa Bank Hoffman sa Zurich. Sa sunod nga mga adlaw nagsugo si Marcos sa pagliquidate sa Valamo ug pagbalhin ini sa Fides, ug ang pagliquidate sa Verso ug ibalhin sa Fides.